Tabernak eta jatetxeak itxiko ditu larunbatean Eusko Jaurlaritzak

Aitor Aspuru Saez 2020ko aza. 5a, 19:49

Iñigo Urkulluren gaurko agerraldia. / Irekia

Herritarren mugimendua 22:00etatik 06:00ak arte mugatuko du erakundeak, eta jarduera sozioekonomikoa  21:00etan amaituko da.

Iñigo Urkullu Lehendakariak hainbat neurri iragarri ditu Gabonetan itxialdia saihesteko. Horretarako, hurrengo mugak jarri dizkio bizitza sozialari. Larunbatean sartuko da dekretua indarrean:

  • Herritarrak ezingo dira kalera atera 22:00etatik 06:00ak arte.
  • Jarduera sozioekonomikoa 21:00etan amaituko da, salbu farmaziak eta gasolindegiak.
  • Kultuen zentroen edukiera %35ekoa izango da gehienez.
  • Kultura jarduerak 21:00etan amaitu beharko dira.
  • Entsegu kolektiboak bertan behera geratuko dira.
  • Kirol zentroetan maskarilla derrigorrezkoa izango da.
  • Kirol ikuskizunetan ezingo da publikorik egon.
  • Kirolaren praktika kolektiboa etengo da, salbu profesionalen edo ia profesionalen artean.
  • Kirol zentroetan, kiroldegi eta igerilekuetan aurreikusitako jarduerak baimenduko dira %40ko edukieran, eta 6 lagunen taldetan gehienez.
  • Apustu etxeak itxiko dira.
  • Jatetxeak eta tabernak itxiko dira, salbu etxera eramateko zerbitzua eskaintzen duten hotel, jatetxe edo taberna negozioak; beti ere 21:00ak arte.
  • Garraio publikoa 22:30ean aterako da beranduenez lurralde historikotik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide