Aiaraldeko Kirol eta Osasun Zentroek mobilizatzeko deia zabaldu dute sare sozialen bidez larunbat honetarako. Larunbatean, azaroaren 14an, egingo dituzte protestak, 17:00etan Amurrio eta Laudioko plazetan. Oharrean nabarmendu dutenez, "espazio biosanitario seguruak" dira. Horregatik, kirol zentroak irekitzeko eskaera luzatu dute.
Inguruetako herrietako bizilagunak tokiko kirol zentroetara bertaratzeko aukera eskatuko dute, besteak beste
Zehazki, mugikortasuna eragozten duten neurriak kentzea nahi dute, "Urduña, Artziniega, Sodupe, Ugao... eta inguruetako herritarrek gure zentroetara etortzeko aukera izan dezaten".
Erantsi dutenez, kirola pandemia garaitzeko konponbidearen parte da, "eta izaten jarraitu behar du".
Euskal Herrian bezala, beste lurralde batzuetan ere sustatu dira horrelako ekimenak, Herrialde Katalanetan, Gaztela Leoin edo Asturiasen kasu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
