Pandemiaren garapena asteburuan nolakoa izan den azaldu du Osakidetzak. Aiaraldean 38 kasu berri atzeman ditu. Zehazki ,horrelakoa izan da zabalpena herrika:
- Amurrio: 8
- Artziniega: 3
- Aiara: 6
- Laudio: 14
- Okondo: 1
- Arakaldo: 0
- Arrankudiaga-Zollo: 2
- Orozko: 0
- Urduña: 3
Egunka, aldiz horrela agertu ziren positiboak:
| Udalerria | Azaroak 13 | Azaroak 14 | Azaroak 15 |
| Amurrio | 7 | 0 | 1 |
| Artziniega | 2 | 0 | 1 |
| Aiara | 1 | 5 | 0 |
| Laudio | 4 | 4 | 6 |
| Okondo | 0 | 1 | 0 |
| Arakaldo | 0 | 0 | 0 |
| Arrankudiaga-Zollo | 2 | 0 | 0 |
| Orozko | 0 | 0 | 0 |
| Urduña | 2 | 1 | 0 |
| Aiaraldea | 18 | 11 | 8 |
Ikus daitekeenez, ostirala izan zen egunik kritikoena, eta Amurrion soilik 7 gaixo berri agertu ziren, ez-ohiko kopurua udalerri horretan azkenaldian. Asteburuko bilakaerak hurrengo eragina izan du 100.000 biztanleko ratioan. Gogoratu zenbaki gorrien langa 500 kutsatuetan dagoela:
| Udalerria | Ratioa azaroaren 12an | Ratioa azaroaren 15ean |
| Amurrio | 153,57 | 201,55 (+47) |
| Artziniega | 1.352,76 | 1.144,64 (-208) |
| Aiara | 517,06 | 379,18 (-137) |
| Laudio | 539,66 | 452,44 (-87) |
| Okondo | 415,28 | 415,28 (=) |
| Arakaldo | 0 | 0 (=) |
| Arrankudiaga-Zollo | 1.570,17 | 1668,30 (+98) |
| Orozko | 306,16 | 267,89 (-38) |
| Urduña | 561,53 | 444,52 (-117) |
Berez, udalerri gehienetan ratioa jaitsi da eta Laudio, Urduña eta Aiara ez daude jadanik zenbaki gorrietan. Euskal Autonomia Erkidegoari erreparatuta, positibo berriak 1.000 baino gutxiago izan ziren, lehen aldiz hainbat egunetan. 801 izan ziren guztira. Tamalez, Zaintza Intentsiboko Unitateetan dauden herritarren kopuruak ez du atzera egin. Aldiz, gora egin du eta 145 dira dagoeneko. Ospitaleratuak, guztira, 516 dira, bigarren olatuko kopuru handiena orain arte.
Eskualdera itzulita, pandemia hasi zenetik, hurrengoak dira kutsatu kopuruak udalerrika:
- Laudio: 470
- Amurrio: 222
- Aiara: 111
- Urduña: 108
- Okondo: 24
- Orozko: 54
- Artziniega: 73
- Arakaldo: 0
- Arrankudiaga-Zollo: 24
- Aiaraldea: 1.065