14 COVID-19 kasu berri baieztatu dituzte Aiaraldean, 8 Laudion

Laudion topatu dituzte positibo gehienak. / Aiaraldea.eus

Amurrion 3 kasu detektatu dituzte, eta bana Artziniega, Okondo eta Urduñan. 

14 COVID-19 kasu berri detektatu zituen atzo Osakidetzak Aiaraldean, gaur eguerdian plazaratutako txostenean adierazi duenez. 

Hau da kasu berri horien banaketa herrika:

  • Laudio: 8
  • Amurrio: 3
  • Artziniega: 1
  • Okondo: 1
  • Urduña: 1

Ratioen bilakaerari dagokionez, joerak ezberdinak dira udalerri batetik bestera. Hala ere, herri guztiak mantendu dira zenbaki gorrietatik kanpo: 

Udalerria Ratioa Joera aurreko eguneko datuak aintzat hartuta
Amurrio  259,14 (+19,19)
Artziniega 884,50 (-155,5)
Aiara 379,18  (=)
Laudio 436,09  (+5,45)
Okondo 332,23  (+83,06)
Arakaldo 0 (=)
Arrankudiaga-Zollo 1570,17 (-98,13)
Orozko 267,89  (=)
Urduña 374,36 (-70,19)

EAEri dagokionez, 14.929 test egin ziren atzo guztira, 11.746 PCR eta 3.183 antigeno. Horietatik 1.050ek eman zuten positibo; %7ak, hain zuzen. Hau izan zen banaketa herrialdeka:

Herrialdea Atzoko kutsatuak Ratioa
Araba 146 551,88
Bizkaia 459 706,13
Gipuzkoa 459 1.040,72 

Zaintza Intentsiboko Unitatean, berriz, lau pertsona gutxiago daude astelehenarekin alderatuta, 141tik 137ra igaro baita kopurua. Ospitaleratu kopurua, aldiz, igo egin da, 51tik 79ra. 

Hurrengoak dira pandemia hasi zenetik gaixotu diren pertsonen kopuruak Aiaraldean, udalerrika banatuta:

  • Laudio: 480
  • Amurrio: 229
  • Aiara: 112
  • Urduña: 110
  • Okondo: 25
  • Orozko: 54
  • Artziniega: 74
  • Arakaldo: 0
  • Arrankudiaga-Zollo: 24
  • Aiaraldea: 1.087

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide