Osakidetzak jakinarazi du atzo eskualdean 9 positibo berri erregistratu zituela COVID-19 birusari dagokionez, asteartean baino 5 gutxiago. Bi udalerri izan ziren kaltetuak:
- Laudio: 5 kasu
- Amurrio: 4 kasu
Udalerri bakoitzeko ratioei dagokienez, herri berririk ez da sartu zenbaki gorrietan, hau da, 500 kutsatu 100.000 biztanleko. Kontrara, Laudiok behera egin du berriro eta nahiz eta Amurriok gora egin duen, langa kritikotik urrun dago oraindik.
| Udalerria | Ratioa | Ratioaren joera aurreko egunareekin alderatuta |
| Amurrio | 274,84 | +15,2 |
| Artziniega | 884,5 | (=) |
| Aiara | 379,18 | (=) |
| Laudio | 397,93 | -38 |
| Okondo | 249,17 | -83 |
| Arakaldo | 0 | (=) |
| Arrankudiaga-Zollo | 1570,17 | (=) |
| Orozko | 229,62 | -38 |
| Urduña | 304,16 | -70 |
Euskal Autonomia Erkidegoko emaitzei erreparatuta, astelehenean 1.000 positibotik behera detektatu ostean, asteartean zein asteazkenean kopuru hori gainditu da. Esaterako, atzo 1.069 izan ziren, aurreko egunean baino 19 gehiago. Hori bai, Zaintza Bereziko Unitateetan dagoen herritar kopurua murriztu da. Bigarren olatuan 146era heldu zen unerik okerrenean -aurreko asteko ostiralean- eta gaur 133 dira, atzo baino 4 gutxiago.
Hurrengoak dira pandemia hasi zenetik gaixotu diren pertsonen kopuruak Aiaraldean, udalerrika banatuta:
- Laudio: 485
- Amurrio: 233
- Aiara: 112
- Urduña: 110
- Okondo: 25
- Orozko: 54
- Artziniega: 74
- Arakaldo: 0
- Arrankudiaga-Zollo: 24
- Aiaraldea: 1.096