COVID-19ak atzo utzitako datuekin txostena argitaratu du Osakidetzak. Guztira, atzo 5 positibo atzeman zituen osasun sistema publikoak Aiaraldean. Duela ia hilabetea hain kopuru baxua ez zela erregistratzen, urriaren 22tik, hain zuzen. Horrela banatu ziren atzo kutsatu berriak:
- Laudio: 3
- Amurrio: 2
Atzoko datuekin, gainera, ratioetan jaitsiera orokorra berretsi da, Amurrion salbu. Hala ere, udalerri hori urrun dago zenbaki gorri kritikoetatekin. Langa hori 500 kutsatutan kokatuta dago, 100.000 biztanleko, eta Amurrio oraindik 287,94an dago. Une hauetan, bakarrik Artziniegak eta Arrankudiaga-Zollok gainditzen dute muga hori, baina beheranzko joeran. Zehazki, horrela dago egoera:
| Udalerria | Ratioa | Ratioaren joera aurreko eguneko datuekin alderatuta |
| Amurrio | 287,94 | +13 |
| Artziniega | 728,41 | -159 |
| Aiara | 379,18 | (=) |
| Laudio | 381,58 | -16 |
| Okondo | 249,17 | (=) |
| Arakaldo | 0 | (=) |
| Arrankudiaga-Zollo | 1.472,03 | -98 |
| Orozko | 153,08 | -76,54 |
| Urduña | 140,38 | -163,78 |
Euskal Autonomia Erkidegoari dagokionez, atzo ez zen 1.000ra iritsi gaixo berrien kopurura, 935 izan baitziren. Hori bai, tamalez, Zaintza Intentsiboko Unitateetan bi herritar gehiago sartu ziren eta guztira 135 dira.
Hurrengoak dira pandemia hasi zenetik gaixotu diren pertsonen kopuruak Aiaraldean, udalerrika banatuta:
- Laudio: 488
- Amurrio: 235
- Aiara: 112
- Urduña: 110
- Okondo: 25
- Orozko: 54
- Artziniega: 74
- Arakaldo: 0
- Arrankudiaga-Zollo: 24
- Aiaraldea: 1.101