Azaroaren 20an, 21ean eta 22an Osakidetzak 15 koronabirus kutsatu berri detektatu zituen, azken txostenaren arabera. Aurreko astebuarekin alderatuta, nabarmen murriztu dira gaixo berriak. Horrela banatu dira kasuak:
- Amurrio 3
- Artziniega: 2
- Laudio: 6
- Okondo: 2
- Urduña: 2
Garapena hurrengoa izan zen egunka:
| Udalerria | Azaroak 20 | Azaroak 21 | Azaroak 22 |
| Amurrio | 3 | 0 | 0 |
| Artziniega | 0 | 1 | 1 |
| Aiara | 0 | 0 | 0 |
| Laudio | 1 | 1 | 4 |
| Okondo | 1 | 0 | 1 |
| Arakaldo | 0 | 0 | 0 |
| Arrankudiaga-Zollo | 0 | 0 | 0 |
| Orozko | 0 | 0 | 0 |
| Urduña | 1 | 0 | 1 |
| Guztira | 6 | 2 | 7 |
100.000 biztanleko 500 kutsatuen ratioaren bilakaera gorabeheratsua izan da eskualdean. Izan ere, Amurrio, Okondo eta Urduñako batezbestekoek gora egin dute, baina zenbaki gorrietan sartu gabe. Ordea, Artziniegak, Aiarak, Laudiok, Arrankudiaga-Zollok eta Orozkok behera egin dute, eta Artziniega, gainera, zenbaki gorrietatik atera da.
Aipatzekoa bada ere Orozkoko kasua, ratioa 0an utzi baitu, azaroaren 8tik aurrera ez baitu kasu berririk izan. Gauzak horrela, Arrankudiaga-Zollok bakarrik jarraitzen du zenbaki gorrien langatik gora baina, gutxienez, azken egunetan bere adierazlea murriztu du:
| Udalerria | Azaroaren 23ko ratioa | Azaroaren 20ko ratioarekin alderatuta |
| Amurrio | 307,13 | +19 |
| Artziniega | 416,23 | -312 |
| Aiara | 344,71 | -34 |
| Laudio | 316,16 | -65 |
| Okondo | 415,28 | +166 |
| Arakaldo | 0 | (=) |
| Arrankudiaga-Zollo | 1.275,76 | -196 |
| Orozko | 0 | -153 |
| Urduña | 187,18 | +46 |
Euskal Autonomia Erkidegoari dagokionez, positibo kopuruak 1.000tik behera egon dira egun guztietan:
- Azaroak 20: 867
- Azaroak 21: 641
- Azaroak 22: 499
Edonola ere, egia da ohikoan baino analisi gutxiago egin direla: 13.164, 9.739 eta 7.290, hurrenez hurren. Hala ere, positibien jaitsierak ez du ekarri gaixo kopuruen murrizketa Zaintza Intentsiboko Unitateetan eta egun 141 herritar daude bertan, aurreko ostegunean baino 6 gehiago.
Eskualdera itzulita, hurrengoak dira pandemia hasi zenetik gaixotu diren pertsonen kopuruak Aiaraldean, udalerrika banatuta:
- Laudio: 494
- Amurrio: 238
- Aiara: 112
- Urduña: 112
- Okondo: 27
- Orozko: 54
- Artziniega: 76
- Arakaldo: 0
- Arrankudiaga-Zollo: 24
- Aiaraldea: 1.116