Uxoa eta Arkada en la Gradaren arteko derbia Gasteizen jokatuko da, Euskal Ligako denboraldia hasteko

Arkada en la Grada taldeak bestelako kantxa batean entrenatzen du. / Arkada

Euskal Liga asteburuan abiatuko dute eta derbiarekin hasiko dute Arkada en la Grada eta Uxoa taldeek. Eskualdeko azpiegiturak itxita daudenez, Gasteizen jokatu beharko dute.

Euskal Federazioak areto futboleko denboraldia hasiko du asteburuan. Aurreko jardunaldiak pandemiaren ondorioz atzeratu direnez, 6. jardunaldiarekin abiatuko dute txapelketa.

Kasualitatez, Aiaraldeko derbia egongo da, baina Gasteizen jokatu beharko dute. Izan ere, Uxoa-Arkada en la Grada norgehiagoka ezingo da Laudion egin, kiroldegia itxita egongo baita.

Klubek adierazi dute udalek ez dituztela oraindik kantxak ireki, nahiz eta semiprofesionalak izan. Laudion horrela erabaki du udalak segurtasun neurriak direla eta. Amurrion, aldiz, ez dira ados jarri tokiko erakundearen eta kiroldegia kudeatzen duen enpresaren artean, udalerriko jokalari batek azaldu duenez.

Gauzak horrela, mugikortasuna mugatzeko neurriak indarrean egon arren, eskualdeko taldeek Arabako hiribururaino bidaiatu beharko dute Aiaraldean jokatu behar zen partidagatik.

Erlazionatuak

Uxoa eta Arkada en la Grada taldeak, areto futbolean jokatzera behartuak pandemiaren erdian

Aiaraldea

Uxoa eta Arkada en la Grada futbol aretoko klubak une gorabeheratsuak bizitzen ari dira Euskal Ligan. Izan ere, semiprofesional kategoria denez, pa...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide