Gaur plazaratutako datuen arabera, bi COVID-19 eri berri soilik detektatu ziren atzoko egunean Aiaraldean, Aiaran biak. Gainontzeko herrietan ez da kasu gehiago azaldu, eta beraz, kutsadura ratioak jaitsi edo mantendu egin dira toki gehienetan. Amurrion pittin bat jaitsi da, eta Aiaran hazi.
Egunez egun, hau izan da azken 7 egunetako positibo kopuruaren bilakaera:
- Abenduak 14: 4
- Abenduak 15: 8
- Abenduak 16: 6
- Abenduak 17: 6
- Abenduak 18: 1
- Abenduak 19: 2
- Abenduak 20: 1
- Abenduak 21: 2
| Udalerria | Ratioa | Aurreko eguneko ratioarekin alderatuta |
| Amurrio | 297 |
-10 |
| Artziniega | 0,0 | (=) |
| Aiara | 369 | +68 |
| Laudio | 87,22 | (=) |
| Okondo | 0,0 | (=) |
| Arakaldo | 0,0 | (=) |
| Arrankudiaga-Zollo | 490,68 | (=) |
| Orozko | 114,81 | (=) |
| Urduña | 93,59 | (=) |
Eskualdeko datuak pandemia hasi zenetik kontatuta hurrengoak dira udalerrika:
- Laudio: 540
- Amurrio: 278
- Aiara: 125
- Urduña: 117
- Artziniega: 79
- Orozko: 59
- Okondo: 31
- Arrankudiaga-Zollo: 30
- Arakaldo: 2
- Aiaraldea: 1.258
Osasun neurri berriak
Iluntzean egin du agerraldia LABI batzordeak. Orain arte ezarritako neurriei eutsi egingo diete, eta beste batzuk zorroztu dituzte. Ondorengoak dira aldaketak:
- Ordu mugak: Abenduaren 24an eta 31n ezingo da 0:30 baino beranduago mugitu (orain arte 01:30 zen muga)
- Mugikortasuna: Abenduaren 23-26 artean eta abenduaren 31tik 1era EAE barnean bidaiatu ahalko da, beti ere, senideak bisitatzeko agiria eskutan.
- Elkartzeko pertsona muga: Abenduaren 31n gehienez 6 lagun elkartu ahalko dira.
- Dendari zein ostalarien ordutegiak: Komertzioek, tabernek zein jatetxeek 18:00etan itxita egon beharko dute abenduaren 24ean, 25ean, 31n, urtarrilaren 1ean, 5ean eta 6an. Horrez gain, abenduaren 25ean eta urtarrilaren 1 eta 6an ezingo dira 9:00ak aurretik ireki.