Aiaraldea Hedabideak laugarren urtez jarraian egingo du inauterietako argazki lehiaketa. Pandemiak jai guztiak bertan behera utzi baditu ere, herritarren mozorrotutako argazkiak biltzeko erronka luzatu du komunikabideak. Irudiak bidaltzeko epea otsailaren 16 arte egongo da zabalik. Hala, otsailaren 16tik 21era bitartean zabalduko da boto fasea. Hots, irakurleek erabakiko dute boto bidez zein den euren irudi gustokoena. Atsegite gehien biltzen dituen lanak jasoko du Laudioko Iluntze tabernan afaltzeko 50 euroko bonoa.
Atsegite gehien biltzen dituen lanak jasoko du Laudioko Iluntze tabernan afaltzeko 50 euroko bonoa
Parte hartzeko 3 bide
Parte hartzeko ondorengo datuak bidali beharko dira erredakzioa@aiaraldea.eus postara edota 688848152 telefonora: argazkia, egilearen izen-abizenak, herria eta telefonoa. Whatsapp edo Telegram aplikazioetatik ere igorri ahalko dira lanak edo, bestela, hemendik igo daitezke zuzenean. Argazkiak Aiaraldean ateratakoak izan beharko dira eta ez da onartuko estereotipo eta mezu sexista edo arrazistarik zabaltzen duen irudirik. Aurkeztutako irudi onenekin argazki erreportajea argitaratuko da otsailaren 24ko hamabostekarian.
Aurten Aiaraldea Hedabideak antolatutako bigarren argazki lehiaketa da hau. Urtarrilean "Elurra Aiaraldean 2021" txapelketa burutu zen, eta Oskar Sanchez Aldama izan zen garailea.
