Eusko Jaurlaritzako Osasun Sailak COVID-19 birusak eragindako pandemiaren jarraipena egiten duen txosten epidemiologikoaren azken eguneraketa argitaratu du. Ostiral, larunbat eta igandean egindako PCR eta antigeno testen emaitzak jaso dituzte bertan.
Asteburuan 18 COVID-19 kasu detektatu dira Aiaraldean. Udalerrika, hurrengoa izan da kutsatu berrien kopuruen banaketa:
- Laudio: 11
- Amurrio: 2
- Aiara: 2
- Artziniega: 1
- Orozko: 1
- Urduña: 1
Hau da gaixotasunak eskualdean azken egunetan izan duen bilakaera:
- Urtarrilak 31: 9 positibo
- Otsailak 1: 10 positibo
- Otsailak 2: 13 positibo
- Otsailak 3: 16 positibo
- Otsailak 4: 19 positibo
- Otsailak 5: 7 positibo
- Otsailak 6. 5 positibo
- Otsailak 7: 2 positibo
Laudion zenbatu dira gaixotu berri gehien, eta eremu gorrian jarraituko du, 100.000 biztanleko 500 kasuko langa gainditzen baitu (506,78). Ondorioz, ostalaritza establezimenduek pertsiana jaitsi beharko dute bihartik aurrera. Kirol instalazioak zabalik mantenduko dira baina debekatuta egongo da taldeka kirol jarduerak garatzea. Osasun Sailaren erresoluzio berri bat plazaratu arte, indarrean mantenduko dira neurri hauek.
Ratioei erreparatuta, hurrengoa da eskualdeko udalerrietako argazkia:
| Udalerria | Ratioa | Aurreko eguneko ratioarekin alderatuta |
| Amurrio | 232,33 | -19,36 |
| Artziniega | 156,99 | +52,33 |
| Aiara | 310,88 | +34,54 |
| Laudio | 506,78 | +5,44 |
| Okondo | 410,85 | -246,5 |
| Arakaldo | 0 | (=) |
| Arrankudiaga-Zollo | 294,7 | (=) |
| Orozko | 266,06 | (=) |
| Urduña | 425,23 | -94,56 |
Eskualdeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 709
- Amurrio: 369
- Urduña: 165
- Aiara: 145
- Artziniega: 111
- Orozko: 67
- Okondo: 49
- Arrankudiaga-Zollo: 40
- Arakaldo: 2
- Aiaraldea: 1.663