Eusko Jaurlaritzako Osasun Sailak COVID-19 pandemiaren eboluzioa jasotzen duen txosten epidemiologikoaren azken eguneraketa plazaratu berri du. Ostiral, larunbat eta igandean detektatutako gaixo kopurua zenbatu dute bertan.
Aiaraldean 8 positibo detektatu dituzte guztira hiru egun horietan. Kasu gehienak Laudion zenbatu dituzte, eta bakarra Urduñan.
Hau da gaixotasunak eskualdean azken egunetan izan duen bilakaera:
- Otsailak 6. 5 positibo
- Otsailak 7: 2 positibo
- Otsailak 8: 5 positibo
- Otsailak 9: 3 positibo
- Otsailak 10: 10 positibo
- Otsailak 11: 0 positibo
- Otsailak 12: 1 positibo
- Otsailak 13: 4 positibo
- Otsailak 14: 3 positibo
Ratioei erreparatuta, hurrengoa da eskualdeko udalerrietako argazkia:
| Udalerria | Ratioa | Aurreko eguneko ratioarekin alderatuta |
| Amurrio | 125,85 | -48,4 |
| Artziniega | 104,66 | -52,33 |
| Aiara | 276,34 | (=) |
| Laudio | 299,71 | -81,74 |
| Okondo | 246,51 | (=) |
| Arakaldo | 0 | (=) |
| Arrankudiaga-Zollo | 392,93 | (=) |
| Orozko | 190,04 | -38,01 |
| Urduña | 283,49 | -23,62 |
Eskualdeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 724
- Amurrio: 370
- Urduña: 168
- Aiara: 149
- Artziniega: 111
- Orozko: 67
- Okondo: 51
- Arrankudiaga-Zollo: 41
- Arakaldo: 2
- Aiaraldea: 1.689
Neurri berriak indarrean
Gaur sartu dira indarrean LABI aholkularitza batzordeak iragan astean publiko egindako neurri murriztaile berriak. Udalerrietako itxiera perimetrala altxatu eta mugakide diren herrietara joateko aukera egongo da jarduera sozio-ekonomikoak edo kirola egitera.
Hauek dira Aiaraldeko udalerrien mugakideak:
- Laudio: Aiara, Orozko, Okondo, Arakaldo eta Arrankudaiaga-Zollo
- Amurrio: Aiara, urduña, Zuia, Urkabustaitz, Kuartango eta Orozko
- Aiara: Amurrio, Laudio, Urduña, Artziniega, Okondo eta Gordexola
- Urduña: Amurrio, Aiara eta Urkabustaitz
- Artziniega: Aiara eta Gordexola
- Okondo: Laudio, Aiara, Gordexola, Arrankudiaga-Zollo eta Gueñes
- Arakaldo: Laudio, Orozko eta Arrankudiaga-Zollo
- Orozko: Arakaldo, Arteaga, Zeanuri, Zeberio, Areatza, Arrankudiaga-Zollo, Laudio, Aiara, Amurrio eta Zuia
- Arrankudiaga-Zollo: Arakaldo, Laudio, Okondo, Arrigorriaga, Ugao eta Alonsotegi