BIDEO ERREPORTAJEA

Haurrak eta familiak Tubacexeko borrokaren lehen lerroan

Greba mugagabea hasi dute gaur Tubacexeko langileek. Laudioko fabrikako sarreran protesta ekimen berezia burutu dute, enpresako langileen atzean kaltetutako familiak ere badaudela erakusteko.

Pailazoz mozorrotuta jaso dituzte gaur goizean Tubacexeko zuzendaritzako kideak, Laudioko fabrikako sarreran. Kaltetutako langileen atzean haurrak eta familiak daudela aldarrikatu nahi izan du Enpresa Batordeak protesta ekimen berezi horrekin.

Gaur hasi dute greba mugagabea Tubacexen. Zuzendaritzak 150 langile kaleratu nahi ditu Laudio eta Amurrioko fabriketan, eta horrek sortu du lan gatazka. Aurreko asteko bi greba egunekin lotu dute beharginek gaur abiatutako greba mugagabea.

Zuzendaritza autobusez sartu da enpresara gaurkoan. Aurreko astean autoz sartu ziren bulegoetako zenbait kide fabrikara, eta tentsio uneak bizi izan ziren:

Greba mugagabearekin aurrera jarraituko dute langileek. Enpresa Batzordeak lanuztea hainbat protesta ekimenekin uztartzeko asmoa adierazi du, lan gatazkari ikusgarritasuna emateko helburuarekin. Asteazkenean kotxe karabanak egingo dituzte lantegien sarreretatik abiatuta. Ostegunean martxa egingo dute Laudioko kaleetan barrena, eta ostiralean Amurrion mobilizatuko dira. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide