Indarkeria matxistaren 84 salaketa jarri dira 2020an Aiaraldean

Eraso matxista bat salatzeko iaz eginiko elkarretaratze baten irudia. / Aiaraldea.eus

Salaketen erdia baino gehiago dira bikote ohiak eginiko tratu txarren ondorio, 48 guztira.

Genero indarkeriak ez du etenik izan Aiaraldean, 2020. urteari dagokionean ere. Salaketa judizialen datuak eskatuta, orotara eskualdean 84 kasu bideratu dira, Ertzaintzak Aiaraldea Hedabideari adierazi dionez.

Bikote ohiak burututako erasoen salaketak 48 izan dira Aiaraldean (%57.14). Arrankudiaga-Zollon eta Arakaldon izan ezik, eskualdeko herri guztietan salatu dira genero indarkeria kasuak

Herrika, ondorengoak izan dira poliziaren aurrean salatutako kasuak:

  • Laudio: 32
  • Amurrio: 19
  • Okondo: 11
  • Orozko: 11
  • Urduña: 7
  • Artziniega: 3
  • Aiara: 1
  • Arakaldo: 0
  • Arrankudiaga-Zollo 0

Emakumeen aurkako indarkeria moten inguruan galdetuta, hiru bereizi ditu Ertzaintzak: bikote ohiak eragindakoak, familiartekoa eta askatasun sexualari lotutakoa. Bikote ohiak burututako erasoen salaketak 48 izan dira Aiaraldean (%57.14), senideen artekoak 30 eta bestelakoak 6. 

 

Tratu txarrak nagusi

Bikote ohiaren tratu txarrak dira, ezbairik gabe, salaketa kopuru gehien pilatu dutenak: Laudion 18 kasu kudeatu dira, Amurrion 16, Orozkon 7, Urduñan 5 eta Artziniegan 2.

Familien aldetik emakumeek jasandako erasoak, berriz, 11 izan dira Okondon, 10 Laudion, 4 Orozkon, 3 Amurrion eta 1 Urduñan. 

Azkenik, sexu hautua dela-eta, Ertzaintzak 6 eraso kudeatu ditu; 4 Laudion eta bana Urduñan eta Aiaran. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide