Azken urteetako mobilizaziorik jendetsuena egon da gaur Aiaraldean. Milaka herritar batu dira Euskal Herriko gehiengo sindikalak deitutako lanuzte eta mobilizazioetara. Laudio eta Amurrioko Herriko plazetatik abiatu dira manifestazioak, 11:30ean, eta bi herrietako kaleetan barrena zabaldu dituzte enplegu suntsiketaren aurkako aldarriak.
Sindikatuetako ordezkariek hartu dute hitza ekitaldietan. Tubacex eta Valvospaineko egoerak izan dituzte hizpide, besteak beste, eta mobilizatzen jarraitzeko deia luzatu diete herritarrei, etorriko diren bestelako ekimenetan.
Mobilizazio gehiago arratsaldean
Gaurko borroka eguna ez da amaitu oraindik. Goizean bezala, 15:30ean ere ibilaldiak egingo dira Tubacexeko piketeetara, Amurrioko Telefonicatik eta Laudioko Herriko plazatik abiatuta.
20:00etan, aldiz, eskualdeko mobilizazioa egongo da Amurrion, Aiaraldeko Greba Batzordeak deituta.
Argazkiak: Eider Garcia eta Txabi Alvarado
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide