COVID-19 birusaren 8 positibo berri erregistratu dituzte Aiaraldean

Laudion lau kasu berri azaleratu zituen atzo osasun sistema publikoak. / Aiaraldea.eus

Kasuen erdia Laudion atzeman zuten, baina Arrankudiaga-Zollon, Okondon eta Urduñan ere agertu ziren.

Osakidetzak jakinarazi du asteburuan COVID-19 birusaren 8 kutsatu berri detektatu zituela Aiaraldean. Positiboak nahiko banatu dira eskualdearen barruan eta, zehazki, hauek izan dira datuak:

  • Laudio: 4
  • Arrankudiaga-Zollo: 2
  • Okondo: 1
  • Urduña: 1

Ostiralean 2 detektatu zituzten Laudion eta Arrankudiaga-Zollon, larunbatean 2 Laudion eta igandean 4 Okondon, Urduñan, Arrankudiaga-Zollon eta Laudion.

Ratioei erreparatuta, albisterik onena da eskualdean ez dagoela herririk zenbaki gorrietan. Okondok nabarmen murriztu ditu bere datuak eta 500 kutsatu 100.000 biztanleko langa azpitik dago jadanik. Arrankudiaga-Zollok eta Urduñak gora egin dute esparru horretan, baina oraindik urrun daude zenbaki kritikoetatik. Gainerako udalerriek ratioak murriztu dituzte edo 0an zeudenak, mantendu.

Udalerria Ratioa Aurreko eguneko ratioarekin alderatuta
Amurrio 19,36 (=)
Artziniega 0 -52,33
Aiara 276,34 (=)
Laudio 136,23

-49,05

Okondo 410,85 328,67
Arakaldo 0 (=)
Arrankudiaga-Zollo 294,7 +98,23
Orozko 76,02 (=)
Urduña 259,86 +23,62

Aiaraldeko datu orokorrak

COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:

  • Laudio: 798
  • Amurrio: 383
  • Urduña: 208
  • Aiara: 156
  • Artziniega: 112
  • Orozko: 73
  • Okondo: 69
  • Arrankudiaga-Zollo: 45
  • Arakaldo: 2
  • Aiaraldea: 1.846

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide