Koronabirusaren 13 kasu berri agertu dira ostegunetik igandera Aiaraldean

Amurrion kasu berria detektatu dute. / Aiaraldea.eus

Ostegunetik igandera bitartean 13 positibo azaleratu ditu Osakidetzak eskualdean eta Okondo da zenbaki gorrietan dagoen udalerri bakarra.

Osakidetzak jakinarazi du ostegunetik igandera arte COVID-19 birusaren 13 kutsatu berri diagnostikatu zituela Aiaraldean. Positiboak ez dira herri gutxitan agertu eta, zehazki, hauek izan dira datuak:

  • Laudio: 5 (3 ostegunean, 1 ostiralean eta 1 igandean)
  • Aiara: 3 (1 ostegunean eta 2 ostiralean)
  • Urduña: 3 (2 ostegunean eta 1 ostiralean)
  • Amurrio: 1 (igandean)
  • Okondo: 1 (ostiralean)

Ratioei dagokienez, Okondok zenbaki gorrietan jarraitzen du, 500 kutsatu 100.000 biztanleko langa ia bikoiztuta, nahiz eta bere kopurua murriztu duen. Une hauetan udalerri bakarra da egoera horretan, baina Aiara mugara heltzen ari da, 483,59ra helduta. Laudiok, aldiz, gaixo gehiago izan arren, mantendu da zegoen moduan eta Amurriok eta Urduñak behera egin dute ratioetan. 

Udalerria Ratioa Aurreko eguneko ratioarekin alderatuta
Amurrio 29,04 -9,68
Artziniega 0 0
Aiara 483,59 +34.54
Laudio 141,68

(=)

Okondo 1.068,20 -81,97
Arakaldo 0 (=)
Arrankudiaga-Zollo 294,70 (=)
Orozko 76,02 (=)
Urduña 165,37 -23,62

Aiaraldeko datu orokorrak

COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:

  • Laudio: 811
  • Amurrio: 386
  • Urduña: 212
  • Aiara: 165
  • Artziniega: 112
  • Orozko: 73
  • Okondo: 78
  • Arrankudiaga-Zollo: 45
  • Arakaldo: 2
  • Aiaraldea: 1.884

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide