Urrats berriak emateko "konpromiso irmoa" hartu du Aiaraldeko Greba Batzordeak

Txabi Alvarado Bañares 2021eko martxoaren 31
Deskargatu Info Ahotsak :

Bideo baten bidez egin du Aiaraldeko Greba Batzordeak asteburuan Amurrioko elizan eginiko itxialdiaren balorazioa. Ehunka herritarrek parte hartu zuten larunbatetik igande goizera luzatu zen ekimen horretan, eskualdeko enpleguaren defentsaren aldeko aldarria zabaltzeko. 

Orain, urrats gehiago emateko "konpromiso irmoa" hartu dute batzordeko kideek. "Aiaraldeko Greba Batzordetik asteburu honetan ateratako ondorioak hartu eta jorratzeko konpromiso hartzen dugu", azaldu dute. "Eskualdeko eragile sozial eta sindikal guztiekin" bildu nahi dute horretarako. "Eurekin elkarlanean, mahai gainean jarri nahi ditugu aurrerantzean eman ahalko liratekeen pauso guztiak, eskualdeko greba orokorra deitzeko aukera ere baloratzeraino".

"Bide berri bat" hasiko dutela nabarmendu dute taldeko kideek, "eskualdeko gainontzeko eragileekin batera ibili beharrekoa". Gauzak hala, deialdiei adi egoteko deia luzatu dute.  

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide