Eusko Jaurlaritzako Osasun Sailak 22 koronabirus kasu berri zenbatu zituen atzo Aiaraldean egindako PCR eta antigeno azterketetan. Horrela jaso du osasun sistema publikoak gaur eguerdian zabaldutako txostenean. Aipatu beharra dago Araba zenbaki gorrietan dagoela.
Hau da positiboen banaketa udalerrika:
- Amurrio: 9
- Artziniega: 1
- Laudio: 6
- Orozko: 1
- Urduña 5
Ratioei erreparatuta, Orozko da egoera arriskutsuenean dagoen udalerria, azken egunotan nabarmen igo baita bere kopurua eta ia 400 kasu 100.000 biztanleko langara heldu da. Amurrio ere bide berean jarri da, baina aintzat hartu beharra dago atzo 9 kutsatu gehiago izan zituela. Urduña ere, nahiz eta zenbaki kezkagarrietatik urrun egon, gorakada izan du bere ratioan azken 24 ordutan:
| Udalerria | Ratioa | Atzoko ratioa |
Aurreko eguneko ratioarekin alderatuta
|
| Amurrio | 300,10 | 212,97 | +87,13 |
| Artziniega | 156,99 | 104,66 | +52,33 |
| Aiara | 241,80 | 241,8 |
(=) |
| Laudio | 267,02 | 261,57 | +5,45 |
| Okondo | 164,34 | 246,51 | -82,17 |
| Arakaldo | 0 | 0 | (=) |
| Arrankudiaga-Zollo | 0 | 0 | (=) |
| Orozko | 380,08 | 342,08 | +38 |
| Urduña | 212,62 | 94,50 | +118,12 |
Aiaraldeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 865
- Amurrio: 426
- Urduña: 224
- Aiara: 178
- Artziniega: 114
- Orozko: 83
- Okondo: 88
- Arrankudiaga-Zollo: 45
- Arakaldo: 2
- Aiaraldea: 2.025