Euskal Autonomia Erkidegoan bezala, Osakidetzak argitaratutako azken txostenak larritzeko datuak utzi ditu Aiaraldean ere. Izan ere, eskualdeko herri handi bat (Amurrio) jadanik eremu gorrian sartu da. Berez, atzo 17 positibo berri detektatu zituen osasun sistema publikoak koronabirusari dagokionez:
- Amurrio: 3
- Laudio: 11
- Orozko: 1
- Urduña: 2
Amurrio, esan bezala, zenbaki gorrietan sartu da, bere ratioa 416,26an kokatu baita, 400 kutsatu 100.000 biztanleko langa gaindituta. Horrek eragin nabarmenak izango ditu, perimetroko udal-itxiera ekarriko baitu. Printzipioz, ezingo da udalerritik sartu edo atera, ezinbesteko jarduerak egiteko salbu.
Horrez gain, ostalaritza establezimenduek murriztu egin beharko dute jendaurreko ordutegia; 06:30etik 9:30era; eta 13:00etatik 16:30era. Joko- eta apustu-lokalek ostalaritza zerbitzuak soilik emango dituzte lokalen barruan eta edukiera erdira murriztu beharko dute.
Ariketa fisikoa egiteko orduan ere, aintzat hartu beharko da barnealdeko kirol-jardueretan ezingo direla 4 pertsona baino gehiagoko taldeak egon, talde profesional eta federatuen entrenamendu eta lehiaketei dagozkienak izan ezik. Kirol-instalazioetako aldagelak eta dutxak ixtea ere zehazten da, igerilekuetan izan ezik. Horietan, gehieneko edukieraren% 35ekin erabili ahal izango dira, eta dutxak banaka erabili ahal izango dira.
Arakaldo eta Orozko zenbaki gorrietan badaude ere, 4.000 biztanle baino gutxiagoko udalerriak direnez, ez dute neurri gehiago izango.
| Udalerria | Ratioa | Atzoko ratioa |
Aurreko eguneko ratioarekin alderatuta
|
| Amurrio | 416,26 | 387,22 | +29,04 |
| Artziniega | 209,31 | 209,31 | (=) |
| Aiara | 138,17 | 172,71 | -34,54 |
| Laudio | 326,96 | 294,26 | +32,7 |
| Okondo | 164,34 | 164,34 | (=) |
| Arakaldo | 1176,47 | 1176,47 | (=) |
| Arrankudiaga-Zollo | 0 | 0 | (=) |
| Orozko | 532,12 | 494,11 | +38,01 |
| Urduña | 259,86 | 212,62 | +47,24 |
Aiaraldeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 890
- Amurrio: 438
- Urduña: 227
- Aiara: 179
- Artziniega: 115
- Orozko: 88
- Okondo: 88
- Arrankudiaga-Zollo: 45
- Arakaldo: 4
- Aiaraldea: 2.074