COVID-19 birusaren zabalpena ez da gelditu eskualdean eta astelehenean 17 gaixo berri izan eta gero, atzo 15 izan ziren positiboak, Osakidetzak zabaldutako txostenaren arabera. Berez, atzoko kasuak horrela banatu ziren:
- Amurrio: 5
- Laudio: 7
- Artziniega: 1
- Urduña: 2
Amurriok jarraitzen du zenbaki gorrietan eta bere egoera larrian sakondu du. Egun, bere ratioa 464,67an kokatu dago, 400 kutsatu 100.000 biztanleko langa gaindituta eta, ondorioz, perimetralki itxi dute. Laudio muga horretatik gero eta hurbilago dago, azken egunetan bere kopuruek gora egin baitute. Jadanik 359,65eko ratioan dago. Urduñak ere bide bera hartu du, baina bere datuak ez dira hain larriak, momentuz.
Arakaldo eta Orozko zenbaki gorrietan badaude ere, 4.000 biztanle baino gutxiagoko udalerriak direnez, ez dute neurri gehiago izango.
| Udalerria | Ratioa | Atzoko ratioa |
Aurreko eguneko ratioarekin alderatuta
|
| Amurrio | 467,67 | 416,26 | +51,41 |
| Artziniega | 261,64 | 209,31 | +52,33 |
| Aiara | 138,17 | 138,17 | (=) |
| Laudio | 359,65 | 326,96 | +32,69 |
| Okondo | 164,34 | 164,34 | (=) |
| Arakaldo | 1176,47 | 1176,47 | (=) |
| Arrankudiaga-Zollo | 0 | 0 | (=) |
| Orozko | 532,12 | 532,12 | (=) |
| Urduña | 307,11 | 259,86 | +47,25 |
Aiaraldeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 897
- Amurrio: 443
- Urduña: 229
- Aiara: 179
- Artziniega: 116
- Orozko: 88
- Okondo: 88
- Arrankudiaga-Zollo: 45
- Arakaldo: 4
- Aiaraldea: 2.089