AZKEN DATUAK

Koronabirusaren 43 positibo berri utzi ditu asteburuak Aiaraldean

Laudion agertu dira kasu ugari, 16./ Aiaraldea.eus

Zehazki, 16 Laudion izan dira, 13 Aiaran, 9 Amurrion eta 5 Urduñan. Bihartik aurrera Laudio eta Amurrio eremu gorrian egongo dira ofizialki, neurri murriztaileekin indarrean.

Osasun Sailak COVID-19aren eboluzioa jasotzen duen txosten epidemiologiko berria plazaratu du. Asteburuan eginiko PCR eta antigeno azterketetek 43 koronabirus gaixo berri azaleratu dituzte Aiaraldean.

Udalerrika, hurrengoa izan zen kasu positiboen banaketa:

  • Laudio: 16 (ostiralean 5, larunbatean 3, igandean 8)
  • Amurrio: 9 (ostiralean 4, larunbatean 1, igandean 4)
  • Aiara: 13 (ostiralean 2, larunbatean 9, igandean 2)
  • Urduña: 5 (ostiralean 4, larunbatean 1)

Emaitza horiek eragin dute Laudiok eta Amurriok eremu gorrian jarraitzea, 400 kutsatu 100.000 biztanleko langa gainditzen baitute, eta bihartik aurrera ofizialki perimetralki itxiko dituzte. Aiarak eta Urduñak muga hori ere hautsi dute, baina Arakaldo bezala, 5.000 biztanle baino gutxiago dituzte eta, ondorioz, ez dute neurri murriztaile berrien mehatxurik izango.

Zehazki, Amurrioko Udalak kartel bidez azaldu du nola eragingo dion eremu gorrian egoteak.

Ratioei erreparatuta, hau da eskualdeko udalerrien argazkia:

Udalerria Ratioa Osteguneko ratioa
Aurreko eguneko ratioarekin alderatuta
Amurrio

484,03

464,67 +19,36
Artziniega 209,31 261,64 -52,33
Aiara 621,76 172,71 +449,05
Laudio 419,60 414,15 +5,45
Okondo 82,17 82,17 (=)
Arakaldo 1176,47 1176,47 (=)
Arrankudiaga-Zollo 0 0 (=)
Orozko 342,08 456,10 -114,02
Urduña 448,85 330,73 +118,12

 

Aiaraldeko datu orokorrak

COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:

  • Laudio: 926
  • Amurrio: 455
  • Urduña: 235
  • Aiara: 194
  • Artziniega: 116
  • Orozko: 88
  • Okondo: 88
  • Arrankudiaga-Zollo: 45
  • Arakaldo: 4
  • Aiaraldea: 2.151

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide