10 koronabirus kasu berri zenbatu zituzten atzo eskualdean

Laudioko osasun zentroa. / Aiaraldea.eus

Laudiok pilatu zuen atzo kutsatu berrien kopururik handiena, eta intzidentzia metatuaren tasak gora egiten jarraitzen du.

Eusko Jaurlaritzako Osasun Sailak COVID-19ak eragindako pandemiaren eboluzioa jasotzen duen txosten epidemiologiko berria plazaratu du. Aiaraldean 10 kasu berri zenbatu zituzten atzo egindako PCR eta antigeno azterketetan.

Udalerrika, hurrengoa izan zen kasu positiboen banaketa:

  • Laudio: 6
  • Amurrio: 3
  • Aiara: 1

Beste egun batez jarraian, gora egin du intzidentzia metatuaren tasak Laudion. Amurriok, aldiz, atzoko ratio berdina mantendu du. Bi udalerrietan asteartetik daude indarrean eremu gorriko herriei dagozkien neurri murriztaileak, 100.000 biztanleko 400 kasuen langa aise gainditu ostean.

Ratioei erreparatuta, hau da eskualdeko udalerrien argazkia:

Udalerria Ratioa Atzoko ratioa
Aurreko eguneko ratioarekin alderatuta
Amurrio 493,71 493,71 (=)
Artziniega 209,31 261,64 -52,33
Aiara 621,76 621,76 (=)
Laudio 479,54 463,19 +16,35
Okondo 0 0 (=)
Arakaldo 1176,47 1176,47 (=)
Arrankudiaga-Zollo 0 0 (=)
Orozko 228,05 304,07 -76,02
Urduña 472,48 519,73 -47,25

Aiaraldeko datu orokorrak

COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:

  • Laudio: 947
  • Amurrio: 468
  • Urduña: 239
  • Aiara: 196
  • Artziniega: 117
  • Orozko: 88
  • Okondo: 88
  • Arrankudiaga-Zollo: 45
  • Arakaldo: 4
  • Aiaraldea: 2.192

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide