22 COVID-19 kasu berri Aiaraldean, 16 Laudion

100.000 biztanleko 500 kasuen langa gainditu du Laudiok. / Aiaraldea.eus

Laudion gorakada nabarmena izan du kutsatu kopuruak, atzo 16 kasu berri detektatu baitziren.

Eusko Jaurlaritzako Osasun Sailak koronabirus gaixotasunaren eboluzioa jasotzen duen txosten epidemiologiko berria plazaratu du. Atzo Aiaraldean egindako PCR eta antigeno azterketetan 22 kutsatu berri detektatu zituzten.

Udalerrika, hurrengoa izan zen kasu positiboen banaketa:

  • Laudio: 16
  • Amurrio: 3
  • Aiara: 1

Laudion asteazkenean baino 10 kasu gehiago zenbatu zituen atzo Osasun Sailak eta intzidentzia metatuaren tasa ere nabarmen igo da, 100.000 biztanleko 500 kasuko langa gaindituta. Gainerako herrietan behera egin du kutsatuen ratioak.

Hau da eskualdeko udalerrien argazkia:

Udalerria Ratioa Atzoko ratioa
Aurreko eguneko ratioarekin alderatuta
Amurrio 454,99 493,71 -38,72
Artziniega 156,99 209,31 -52,32
Aiara 621,76 621,76 (=)
Laudio 534,03 479,54 +54,49
Okondo 0 0 (=)
Arakaldo 1176,47 1176,47 (=)
Arrankudiaga-Zollo 0 0 (=)
Orozko 190,04 228,05 -38,01
Urduña 371,98 472,48 -100,5

Aiaraldeko datu orokorrak

COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:

  • Laudio: 963
  • Amurrio: 473
  • Urduña: 240
  • Aiara: 196
  • Artziniega: 117
  • Orozko: 88
  • Okondo: 88
  • Arrankudiaga-Zollo: 45
  • Arakaldo: 4
  • Aiaraldea: 2.214

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide