Arratsalderako Tubacexeko Enpresa Batzordeak antolatutako manifestazioa indartzeko helburuarekin gaur goizean Laudion deituta zegoen manifestazioa bertan behera utzi arren, kalera atera ditu bere aldarriak LAB sindikatuak.
"Aldaketa da aukera!" lemapean kotxe karabana egin dute sindikatuko dozenaka kidek, Urduñatik Orozkora. Bidean pankartak jarri dituzte eskualdeko hainbat lantokietan, Amurrioko nagusien egoitzan esaterako.
Ernai Gazte Antolakundeak ekimena egin du Tubos Reunidos enpresako zubian, Aiaraldeko gazteen %40a langabezian dagoela salatzeko. Datorren maiatzaren 7an Gasteizen egingo den mobilizaziora batzeko deia zabaldu dute.
Aiaraldeko gazteok Gasteizera joateko kotxe kedadak:
— Ernai Aiaraldea (@ErnaiAiaraldea) May 1, 2021
Laudion | Lateorroko parkinean 16.30
Amurrion | Telefonika ondoan 16.45
Maiatzak 7 18.00 etan Andra Mari Zuriaren plazan! Antolatu, borrokatu eta mobilizatu! pic.twitter.com/olkQl6bMLs
Iñaki Montesen argazki erakusketa
Kotxe karabana ez da izan sindikatu abertzaleak Maiatzaren Lehenaren testuinguruan antolatutako egitasmo bakarra. Iñaki Montes argazkilariaren erakusketa atondu dute Laudioko Alberto Acero Plazan. Tubacexeko greba mugagabea gertutik jarraitu du Montesek, kamara eskutan, eta irudi ikusgarriak bildu ditu.
Argazkiak: LAB sindikatua, Maddi Isasi Azkarraga eta Aimar Gutierrez Bidarte