Koronabirusaren 17 positibo berri atzeman zituzten atzo Aiaraldean, 11 Laudion

Aitor Aspuru Saez 2021ko mai. 6a, 12:32
Deskargatu Info Ahotsak :

Laudion txertaketa puntua egon arren, COVID-19 birusaren kasuek ez dute etenik. / Aiaraldea.eus

Beste kasuak Amurrion, Aiaran eta Urduñan agertu ziren atzo.

17 positibo berri diagnostikatu zituen atzo Osakidetzak eskualdean eginiko PCR eta antigeno proben bidez. Hau da, atzo baino 6 gehiago. 

Araban intzidentzia tasa murriztu ondoren, Aiaraldean gora egiten jarraitzen du. Gauzak horrela, eskualdeko herri gehienak daude eremu gorrian.

Banan-banan, horrelakoa izan zen kasuen banaketa udalerrika:

  • Laudio: 11
  • Amurrio: 4
  • Aiara: 1
  • Urduña: 1

Intzidentzia metatuaren tasari dagokionez, nabarmendu beharra dago bi udalerri handienek, Amurriok eta Laudiok, berriro gora egin dutela eta Urduñak ere egin duela. Gainerako tasak zeuden moduan mantendu dira.

Ratioei erreparatuta, hau da eskualdeko udalerrien argazkia:

Udalerria Egungo ratioa Atzoko ratioa
Atzoko ratioarekin alderatuta
Amurrio 464,67 454,99 +9,68
Artziniega 470,96 470,96 (=)
Aiara 690,85 690,85 (=)
Laudio 664,81 637,57 +27,24
Okondo 410,85 410,85 (=)
Arakaldo 2.352,94 2.352,94 (=)
Arrankudiaga-Zollo 196,46   196,46 (=)
Orozko 304,07 304,07 (=)
Urduña 732,34 708,72 +23,62


Aiaraldeko datu orokorrak

COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:

  • Laudio: 1.069
  • Amurrio: 516
  • Urduña: 270
  • Aiara: 216
  • Artziniega: 126
  • Okondo: 93
  • Orozko: 96
  • Arrankudiaga-Zollo: 46
  • Arakaldo: 8
  • Aiaraldea: 2.424
Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide