11 koronabirus kasu berri detektatu zituen atzo Osakidetzak Aiaraldean, gaur eguerdian plazaratutako txostenean adierazi duenez. Atzoko datuek ia hirukoiztu dituzte aurreko egunekoak eta duela bi asteko kopuruetara itzuli dira. EAEn igoera txikia egon da ere, eta hurrengo egunek erakutsiko dute joera mantentzen den edo kasualitate hutsa izan den.
Gauzak horrela, hau izan zen kasuen banaketa udalerrika atzo:
- Laudio: 6
- Amurrio: 2
- Orozko: 1
- Urduña: 1
- Arrankudiaga-Zollo: 1
Ratioak gora, baina eremutik gorri urrun, oro har
Atzoko kasu berrien gorakadak ekarri du, nola ez, ratioak handitu direla, Amurrion salbu. Edonola ere, Laudion, Arrankudiaga-Zollon, Orozkon eta Urduñan ez dira bereziki esanguratsuak igoera horiek. Dena den, Urduñak egun hauetako joera jarraituz gero, zenbaki gorrietan egongo da berriro. Egoera horretan dago Arakaldo, baina bere ratioak ez dira adierazgarriak, populazio oso urria baitu. Horrez gain, nabarmen murriztu zen atzo udalerri horretako tasa.
| Udalerria | Egungo ratioa | Atzoko ratioa |
Atzoko ratioarekin alderatuta
|
| Amurrio | 174,25 | 203,29 | -29,04 |
| Artziniega | 52,33 | 52,33 | (=) |
| Aiara | 207,25 | 207,25 | (=) |
| Laudio | 196,17 | 190,73 | +5,44 |
| Okondo | 82,17 | 82,17 | (=) |
| Arakaldo | 1.176,40 | 1.764,71 | -588,31 |
| Arrankudiaga-Zollo | 196,46 | 98,23 | +98,23 |
| Orozko | 190,04 | 152,03 | +38,01 |
| Urduña | 377,98 | 354,36 | +23,62 |
Aiaraldeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 1.110
- Amurrio: 539
- Urduña: 286
- Aiara: 222
- Artziniega: 127
- Okondo: 94
- Orozko: 101
- Arrankudiaga-Zollo: 48
- Arakaldo: 11
- Aiaraldea: 2.505