15 koronabirus kasu berri detektatu zituen asteburuan Osakidetzak Aiaraldean, gaur eguerdian plazaratutako txostenean adierazi duenez. Datu horiek pasa den astekoak gainditzen dituzte (12 izan ziren positiboak). Baina, begirada orokorra eginda, martxoko kopuruetara itzuli dira.
Izan ere, apiriletik maiatza hasiera arte, asteburutan 32, 43, 52, 38 eta 25 kutsatu azaleratu zituen osasun sistema publikoak.
Gauzak horrela, hau izan zen atzo kasuen banaketa udalerrika:
- Laudio: 5
- Amurrio: 6
- Urduña: 3
- Okondo: 1
Ratioak behera
Asteburuko datuek joera baikorra marraztu dute eskualdeko ratioetan. Oro har, euren kopuruak mantendu ez dituzten herriek behera egin dute. Esaterako, Laudiok, Aiarak, Arakaldok, Orozkok eta Urduñak tasak murriztu dituzte. Okondok egin du gora apur bat.
Ondorioz, Arakaldo da 400 kutsatu 100.000 biztanleko langa gainditzen duen herri bakarra. Aurrekoetan azaldu bezala, biztanleria gutxi duelako gertatzen da hori. Beste hitz batzuetan, ez da adierazgarria bere egoera.
| Udalerria | Egungo ratioa | Osteguneko ratioa |
Atzoko ratioarekin alderatuta
|
| Amurrio | 174,25 | 174,25 | (=) |
| Artziniega | 52,33 | 52,33 | (=) |
| Aiara | 138,17 | 207,25 | -69,08 |
| Laudio | 163,48 | 196,17 | -32,69 |
| Okondo | 164,34 | 82,17 | +82,17 |
| Arakaldo | 588,24 | 1.764,71 | -1.176,47 |
| Arrankudiaga-Zollo | 196,46 | 196,46 | (=) |
| Orozko | 152,03 | 190,04 | -38,01 |
| Urduña | 354,36 | 377,98 | -23,62 |
Aiaraldeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 1.115
- Amurrio: 545
- Urduña: 289
- Aiara: 222
- Artziniega: 127
- Okondo: 95
- Orozko: 101
- Arrankudiaga-Zollo: 48
- Arakaldo: 11
- Aiaraldea: 2.520