Tubacexeko sindikatuek aho batez eman diote ezezkoa zuzendaritzaren eskaintzari

Aitor Aspuru Saez 2021eko maiatzaren 31

Edu Ibernia Enpresa Batzordeko presidentea, Bilbon eginiko mobilizazio batean./ Aiaraldea.eus

Gaur iraungitzen da Tubacex enpresako zuzendaritzak langileei egindako proposamena eta sindikatuek modu bateratuan baztertu dute onartzea.

Erantzun publiko bateratua zabaldu dute Tubacex enpresan ordezkaritza duten sindikatuek. Hain zuzen, aho batez egin diote uko zuzendaritzaren proposamenari, gaur agortzen baita epea horri erantzuteko.

Langile ordezkariek azpimarratu dute adostasun osoa dagoela ezezkoan, sail bakoitzak batzarretan landu baitu gaia. Horren harira, argitu dute arrazoi nagusiena dela ez dutela kaleratzerik onartuko.

Halaber, sindikatuek nabarmendu dute ez dutela lan hitzarmena berriro negoziatuko, zuzendaritzak ez duelako jadanik sinatutakoa betetzen. Bide batez, enpresako jabeei leporatu diete lantegien jarraipena bi urtez baino ez bermatzea, inolako industria planik gabe.

Amaitzeko, langile batzordeak adierazi du prest dagoela neurri ez traumatikoak negoziatzeko, behin-behineko krisialdia konpontzeko; baina gaineratu du horretarako kaleratzeak bertan behera geratu behar direla eta fabriken etorkizuna bermatu behar dela.

Ekonomia

Erlazionatuak

Tubacexen eskutitza langileei; hitz goxoekin idatzitako grebaren kontrako torpedoa

Aitor Aspuru Saez 2021 mai 19 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide