Zabaleko Bizirik! plataformak bat egin du biharko mobilizazio egunarekin

Txabi Alvarado Bañares 2021eko ekainaren 1a

Bi mobilizazio egin dituzte dagoeneko Zabalekoren itxieraren aurka. / Aiaraldea.eus

Aiaraldeko eragile sindikal, politiko eta sozialez osatutako fronte zabal batek egin du deialdia, "SOS Aiaraldea" lemapean. Manifestazioak egingo dituzte Laudio eta Amurrion eta lau orduko lanuztea deituta dago industria, hezkuntza eta bestelako sektoreetan.

Zabaleko Bizirik! plataformako kideek oharra zabaldu dute biharko Aiaraldean deituta dagoen mobilizazio egunarekin bat egiten dutela adierazteko. "Duela bi astetik hona, Amurrioko Zabaleko Ikastetxearen egoera oso larria da, Aiaraldeko hainbat lekutan gertatzen ari den bezala", azaldu dute taldeko kideek, "eskola ixteak lanpostu asko desagerraraziko ditu. Irakasleak, hezitzaileak, garbitzaileak, begiraleak, atezaina eta beste langile batzuk langabeziaren zerrendetara pasatuko dira. Gainera, ikastetxea ixteak prekarietate handiagoa eragingo dio eskola publikoari".

Mobilizazio eguna

Eskualdeko hainbat eragile sindikal, sozial eta politikok deitu dute mobilizazio eguna biharko -ekainak 2-, "SOS Aiaraldea" lemapean. Lau orduko lanuztea deitu dute 10:00etatik 14:00etara, eta bi mobiliazio egingo dituzte: goizekoa Laudion izango da 11:00etan. Arratsaldekoa, aldiz, Amurrioko Juan Urrutia plazatik abiatuko da 19:00etan.

Duela astebete aurkeztu zuten ekimena, Amurrio Antzokian eginiko ekitaldian:

Jendartea

Erlazionatuak

Zabaleko Bizirik! plataformaren oharra, osorik

Aiaraldeko fronte anitz eta zabal batek mobilizazio eguna deitu du datorren ekainaren 2rako

Aimar Gutierrez Bidarte 2021 mai 23 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide