Gaur mobilizazioa egin behar zuten Tubacex enpresako grebalariek Madrilen, Kongresuaren aurrean, baina erkidegoko Gobernu Ordezkaritzak ez die baimenik eman horretarako, kartzelazainen mobilizazioa egon delako leku berean.
Aquí tenemos a los ciclistas en pleno camino. Con compañeros así, hasta el infinito...
— TUBACEXenLUCHA (@tubace_xen) June 15, 2021
GORA LANGILEEN BORROKA#KaleratzerikEz pic.twitter.com/p7xrlAh1MT
Gauzak horrela, grebalari talde batek ekimen sinbolikoa abiatu zuen atzo eta bizikletaz jo zuen hiriburura. Eurekin beste grebalari batzuk ere joan ziren, egitasmoa babesteko.
DIA 125 DE HUELGA
— LAB Tubacex-Acva. (@labtubacex) June 15, 2021
No podéis imaginar lo que la gente de #TubacexBorrokan está dispuesta a hacer.
Unos pocos bikers han salido desde Amurrio hoy a las 3:00 de la madrugada con destino a Madrid, pués YA HAN LLEGADO!!@tubace_xen pic.twitter.com/wtmo1vdci4
Yolanda Diaz ministroarekin
Behin Madrilen egonda, grebalariek bilerak eskatu dituzte alderdi ugariren ordezkariekin. Gainera, Yolanda Diaz Lan eta Ekonomia Sozialeko ministroarekin elkartu dira kalean.
Batzarrei dagokienez, langileak bi alderdi euskaldunekin batu dira. Alde batetik, EH Bildurekin izan dute hitzordua, Mertxe Aizpurua eta Oskar Matuterekin. Gero Aitor Esteban jeltzaleari eskatu diote bilera. Estebanekin batu ordez, Idoia Sagastizabalekin izan da zita. Grebalariek azpimarratu dute Eusko Jaurlaritza ez dela euren alde lerrokatu gatazka honetan eta nabarmendu dute kaleratzeak Tubacex taldeko kontseilarien diru goseak eragin dituela.
Sagastizabal, beste kongresukideek egin dute moduan, ordubete eskaini die grebalariei, eta aipatu die euren iritziak Arantza Tapiari jakinaraziko zizkiola.
ERC, Junts, PDCAT edota Unidas Podemos
Solasaldi gehiago izan dituzte langileek gaur Madrilen. Hain zuzen, Jordi Salvador (ERC), Sergi Miquel (PDCAT), Nestor Rego (BNG), Roberto Uriarte, Rafa Mayoral (UP) eta Josep maría Jové (Junts) ere prest egon dira eurekin aritzeko.
Grebalariek mahai gainean jarri dute PPk gauzatutako azken lan erreforma bertan behera uztearen beharra eta tokiko lan hitzarmenak errespetatzeko beharra, eta ez esparru nagusikoak.
Ordezkari politikoek, euren aldetik, eskatu diete langileei batzordeak dokumentua prestatzea eta irailean itzultzea, landu dezaten. Izan ere, alderdiek "konponbide zaila" ikusten diote lan gatazkari.
Petronorrekin elkartasuna
Gaur grebaren 126. eguna bete da eta aste honetako mobilizazioak ez dira bukatu. Izan ere, bihar 3 gaztek deklaratu beharko dute Amurrioko epaitegian martxoaren 25eko piketean parte hartzeagatik eta elkarretaratzea deitu dute grebalariek hori salatzeko, 11:30etik 13:00etara.
Ostiralean, gainera, Bilbora joko dute berriro Tubacexeko beharginek hainbat enpresekin batera euren aldarrikapenak plazaratzeko, manifestazio bateratu bat antolatu baitute.
Horren harira, gaur eskualdetik igaro dira Petronorreko langileak, Gasteizeko bidean, eta Tubacexekoen babesa jaso dute.
Horrez gain, gogoratu beharra dago elkartasun bisita izan zutela langileek astelehenean: