Eusko Jaurlaritzako Osasun Sailak COVID-19aren eboluzioa jasotzen duen txosten epidemiologiko berria plazaratu du. Araban, Bizkaian eta Gipuzkoan egindako PCR eta antigeno azterketen emaitzak jasotzen dira bertan, eta Aiaraldearen kasuan 14 dira detektatutako kutsatze berriak; Amurrion, Artziniegan, Aiaran, Laudion eta Orozkon.
Ondorengoa izan da kasu berrien banaketa udalerrika:
Intzidentzia metatuaren tasak hazkunde nabarmenean jarraitzen du eskualdeko udalerri gehienetan. Orozkon 100.000 biztanleko 800 kasuen langa gainditu dute ia.
Aiaraldeko gainerako herrietan ere agerikoa da ratioen goranzko joera, azken hilabeteko datuekin alderatuta:
Neurri murriztaileak
Gaur goizean elkartu da LABI aholkularitza batzordea, kasuen gorakadaren aurrean neurri murriztaile berriak aztertzeko helburuarekin. Jaurlaritzak indarrean dauden neurriei eustea ebatzi du, kutsatze kopuruak gora egin arren ospitaletako egoera egonkorra dela eta txertaketa prozesua aurreratuta dagoela iritzita. Osasun Sailak adierazi du Araba, Bizkaia eta Gipuzkoako biztanleen %70 inmunizaturik egongo dela aurki.
Gauzak horrela, ostalaritza establezimenduen itxiera ordutegia 2:00etan mantenduko da, orain arteko neurri berdinekin: 6 laguneko mahaiak eta barnealdean edukieraren %50 errespetatuta. Elkarte eta txoko gastronomikoetan ere jarduerak egiten jarraitu ahalko da.