Eusko Jaurlaritzako Osasun Sailak koronabirusaren eboluzioa jasotzen duen txosten epidemiologikoaren azken eguneraketa plazaratu du. Araba, Bizkaia eta Gipuzkoan 1.345 kutsatze berri atzeman zituzten atzo egindako PCR eta antigeno azterketetan.
Aiaraldean 14 izan ziren zenbatutako kasuak. Laudion agertu ziren gehienak, 7 guztira. Hala ere, Amurrion, Artziniegan, Aiaran eta Orozkon ere positibo berriak detektatu zituzten. Kopuru garrantzitsuak badira ere, urrun geratu dira atzoko 26 gaixo berrietatik.
Honakoa izan da kutsatze kasuen banaketa udalerriz udalerri:
Intzidentzia metatuaren tasak hazten jarraitzen du zenbait herritan, zehazki, Artziniegan eta Aiaran. Laudiok herenegun igaro zuen 100.000 biztanleko 500 kasuen langa, eta horrela jarraitzen du. Tarte horretan daude Aiara eta Arrankudiaga-Zollo. Orozkok azken asteko joera berean jarraitu du, nahiz eta apur bat murriztu bere datuak, eta 1.200 puntuak gainditzen ditu. Amurrioko kopuruak behera egin du apur bat, baina oraindik 400etik gora dago.
Grafikoan sumatu daiteke ekainaren azken astean hasi zela gora egiteko joera eta oraindik ez dela guztiz baretu kutsaduren zabalpena.