159 egunen ostean, Tubacexeko langileek otsailaren 11an abiatutako greba mugagabearekin aurrera jarraitzea ebatzi du Enpresa Batzordeak. Gaur egin dute ordezkari sindikalek bilera eta bertan jaso dituzte atal sindikal bakoitzean jasotako ekarpenak.
Gauzak horrela, greba mugagabeari eutsiko diote beharginek multinazionalari EAEko Justizia Auzitegi Nagusiaren epaia bete dezan exijitzeko. Horretarako ezinbestekotzat jo dute kaleratuak izan ziren langileen berrartze efektiboa gauzatzea. Izan ere, 129 kaleratzeak baliogabetuak izan ziren arren, enpresak beharginak etxean utzi eta hauen irteera bultzatzea erabaki zuen. Horrez gain, Justizia Auzitegi Nagusiaren epaiaren aurkako helegitea aurkeztu du enpresak Madrilgo Auzitegi Gorenean.
Enpresa Batzordeak ateak zabaldu dizkio langileen berrartzea ahalbidetuko duen negoziazio prozesu bat abiatzeari.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
