Barrikadek eta zuzendaritzaren autobusen aurkako protestek jarraitu dute Tubacexeko greba mugagabearen 174. egunean

Erredakzioa 2021eko abuztuaren 3a

174 egun bete dituzte gaur Tubacexeko langileek greba mugagabean. Azken egunetako eszena errepikatu da berriz ere Laudio eta Amurrioko lantegien sarreretan: dozenaka ertzaina bertaratu dira zuzendaritzaren autobusei eta hainbat kamioiri bidea egiteko.

Amurrion barrikada batekin egin dute topo poliziek, eta euren kabuz kendu behar izan dute. Laudion, aldiz, autobusaren aurrean jarri da kaleratutako langileetako bat, eta Ertzaintzak eta enpresako segurtasun arduradunek kendu dute bidetik. Kaleratutako langileek nabarmendu dute enpresak oraindik ez dituela berronartu eta ez dizkiela zor dizkien soldatak ordaindu, legez horretara derrigortua egon arren. Soldata horiek grebalari guztien artean banatuko zituztela jakinarazi zuten beharginek duela bi aste.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide