Eusko Jaurlaritzako Osasun Sailak koronabirusaren eboluzioa jarraitzen duen txosten epidemiologiko berria plazaratu du. Ostiraletik igandera bitartean Aiaraldean egindako PCR eta antigeno azterketetan bi COVID-19 kutsatze berri atzeman ditu Osakidetzak, biak Orozkon.
Horrenbestez, intzidentzia metatuaren tasak behera egiten jarraitzen du Aiaraldeko udalerri ia guztietan, azken asteetako tendentzia jarraituz. Orozkon bakarrik igo da ratioa, 100.000 biztanleko 380,08 kasuetara iritsita.
Neurrien malgutzea
Kasuen beherakadaren aurrean, irailaren 17an indarrean dauden hainbat neurri murriztaile malgutuko dituela iragarri zuen Eusko Jaurlaritzak aurreko astean. Ostalaritza eta jarduera kulturalen ordutegiak luzatu eta edukierak handitzea izango dira hartuko diren erabakietako batzuk. Jaurlaritza, gainera, irailaren 30ean itxiko ditu txertaketa puntu handiak, Araba, Bizkaia eta Gipuzkoako biztanleen %90a txertatuta egongo baita ordurako.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
