Bigarren bilera egin dute gaur Tubacexeko zuzendaritzak, Enpresa Batzordeak eta Eusko Jaurlaritzak, gaur 219 egun bete dituen greba mugagabearen atzean dagoen gatazkari (129 langileren kaleratzea) soluzioa bilatzea helburu.
Asteazkenean bildu ziren lehenbiziko aldiz hiru aldeak, Eusko Jaurlaritzako Lan Sailak deituta, eta bilerak egiten jarraituko dute. Datorren astelehenean bilduko dira berriro.
Eusko Jaurlaritzaren adierazpenak
Enpresa Batzordeak ez du bileran landutakoaren gaineko informaziorik eman, eta Eusko Jaurlaritzako Lan Sailak ere uko egin dio ezer aurreratzeari. Elena Perez Barredo sailburuordeak adierazi du "soluzio adostu" bat bilatzea dela bileren helburua, lan gaztaka amaitu eta "normalatasunera itzultzeko".
Perezek zehaztu duenez, lan gatazkaren "benetako egoera" ezagutzea izan da lehen bi bilera hauen helburua. "Biltzen jarraituko dugu, lan egiten, alde guztientzako egokia izango den akordio batera ahalik eta lasterren iristeko eta, modu horretan, enpresa normaltasunera itzuli dadin".
