Tubacexeko langileen eta Ertzaintzaren arteko ika-mika, 'La Vida Moderna' umorezko irrati saioan

Aitor Aspuru Saez 2021ko ira. 30a, 13:10
Deskargatu Info Ahotsak :

Irrati saioa Youtube plataforman ere eskaintzen dute.

Hector de Miguel 'Quequé' umoregileak langile batek ertzain bati egindako iruzkina landu zuen eta David Broncano aurkezlea ere batu zen solasaldira. 

Pasa den astean Tubacex enpresako lan gatazkak eduki ugari utzi zituen hedabideetan, ezer ezean geratutako negoziazioen ostean. Hala ere, informazio jarioa ez zen eten eta hurrengo egunean Tubacexeko langileak eta Ertzaintza protagonista zituzten bi bideo biral bilakatu ziren.

Horietako bat Cadena Ser irratiko 'La Vida Moderna' saioan agertu zen atzo. Hector de Miguel 'Quequé' umoregileak edukiaren berri eman zuen, honakoa iruzkinduta: "11 segundotan historia zoragarria gertatzen da". 

Izugarri zabaldu den bideo horretan, Tubacexeko grebalari batek honakoa esaten dio eskuan bideo-kamara duen poliziari: "tapa kendu, ez zara ezer grabatzen ari". 

Irudiek publikoaren eta David Broncanoren zein Ignatius Farrayren barre algarak eragin zituzten eta 'La Resistencia' saioko aurkezleak ere hitza hartu zuen horri buruzko txisteak egiteko. 

Aiaraldea Hedabidea harremanetan jarri da ertzainari hitz egin zion langilearekin eta horrek adierazi dio saioa ikusi duela eta grazia egin diola. "Izan ere, bideokamarak ez zuen taparik", nabarmendu du.

Irudi biral gehiago egun berean

Greba egun horretako piketeak pasadizo umoretsua utzi bazuen ere, goiz berean beste bideo bat grabatu zen, sare sozialetan nabarmen zabaldu zena, eta kasu horretan ez zen izan barre egiteko modukoa.

Hain zuzen, Tubacexeko enpresa batzordeko ordezkari batek errespetua eskatu zien ertzainei eta hauek eraman, identifikatu eta salatu zuten:

Komunikazioa

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide