Asteburuan COVID-19 birusaren positibo bakarra agertu zen

Aitor Aspuru Saez 2021eko urriaren 12a

Asteburuan Arrankudiaga-Zollon detektatu dute COVID-19 birusaren kasu berria. / Aiaraldea.eus

Arrankudiaga-Zollon atzeman zuen Osakidetzak asteburuko kasu berri bakarra. Pasa den astean 6 gaixo berri baino ez ziren agertu eta horietako 4 Laudion izan ziren egun berean.

Txosten epidemiologikoa egunero argitaratzeari utzi dio Osakidetzak eta, horren ordez, astekoa kaleratzen hasi da. Horri esker, osasun sistema publikoak zabaldu du asteburuan positibo bakarra egon dela, Arrankudiaga-Zollon. Larunbatean detektatu zuten eta ez du eragin handirik izan eskualdeko irudi orokorrean.

Izan ere, pasa den astean koronabirusaren 6 kutsatu berri azaleratu zituzten. Aipatutakoaz gain, bat Amurrion izan zen astelehenean eta beste laurak Laudion identifikatu zituzten ostegunean.

Gauzak horrela, soilik Arrankudiaga-Zollon egin du gora intzidentzia metatuaren tasak, baina egoera berezirik sortu gabe, 98,23an kokatu baita. Eskualdeko herri guztiek dituzte 0ko tasak, salbu Amurriok (9,68) eta Laudiok (32,70).

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide