ARGAZKIAK

Irmotasunez arbuiatu dute Gasteizen jazotako azken erailketa matxista

Gizonezko batek neskalaguna hil zuen atzo -urriak 12- Gasteizen, bere buruaz beste egin aurretik. Gaur elkarretaratzeak egin dituzte Aiaraldeko hainbat udalerritan azken erailketa matxista hori salatzeko. Dagoeneko bost dira biolentzia matxistak aurten Euskal Herrian eraildako emakumeak.

Gizon batek emakume bat erail zuen atzo -urriak 12- Gasteizko Sansomendi auzoan, eta bere buruaz beste egin zuen jarraian. Bikotearen 13 eta 17 urteko semeek eman zioten abisua Ertzaintzari.

Eudelen adierazpen instituzionalarekin bat eginez, Laudion gaur goizean -urriak 13- egin dute Gasteizko erailketa matxista salatzeko elkarretaratzea. Bertan izan dira ordezkari politikoak eta udaletxeko udal-langileak.

Autodefentsa femnistarako deia

Amurrion eta Urduñan, aldiz, Emakumeen Mundu Martxak deitutako mobilizazioekin bat egin, eta elkarretaratze bana deitu du Aiaraldeko Mugimendu Feministak. Udal ordezkariak ere batu dira protesta ekimenetara. Gogor arbuiatu dute Euskal Herrian jazotako azken erailketa matxista, 2021eko bosgarrena, eta autodefentsa feministarako deia egin dute. 2003az geroztik 113 emakume erail ditu biolentzia matxistak Euskal Herrian.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide