Buru Osasunaren Nazioarteko Egunaren testuinguruan, Luiaondora martxa antolatu zuen ASASAM elkarteak iragan urriaren 17an. Buru osasun arazoak dituzten pertsonentzako eta hauen senideentzako baliabide gehiago eskatu zizkieten erakunde publikoei, buru osasunean inbertitzea osasunean inbertitzea dela aldarrikatuz.
Ekintza gehiago ere antolatu ditu elkarteak Buru Osasunaren Nazioarteko Egunaren testuinguruan. Urriaren 30ean buru osasunaren aldeko futbol partida jokatuko dute Ellakuriko zelaian. CD Laudio eta Zaramaga CF futbol taldeek parte hartuko dute topaketan.
Bukatzeko, ASASAMeko erabiltzaileen sorkuntza lanen erakusketa antolatuko dute Amurrion eta Laudion. Amurrion azaroaren 2tik 7ra egingo dute Kultur Etxean. Laudion, berriz, azaroaren 12tik 19ra egingo dute erakusketa Kultur Etxeko Aldai aretoan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
