Trenen aurkako erasoek eta gidari faltak anabasa sortu dute Urduña eta Bilbo arteko linean

Aitor Aspuru Saez 2021ko urr. 29a, 23:28
Deskargatu Info Ahotsak :

Renfeko langileek irudi hau ikusi dute sare sozialetan bolo-bolo.

Hainbat tren zerbitzu eten dira aste honetan Renfe konpainiako C-3 zerbitzuan. Ohiko arazoari (gidarien eskasia) erantsi behar zaio bi gauez jarraian dozenaka kristal apurtu dituztela erasotzaile batzuek.

Renfeko tren zerbitzuaren kalitateak gainbehera nabarmena izan du berriro aste honetan. Izan ere, pandemia hasi zenetik endemikoak bilakatu dira atzerapenak edo aurreikusitako trenak bertan behera uztea.

Sindikatuek behin eta berriro salatu dute horren atzean dagoen arrazoia, gehienbat, gidari falta dela. Langileen erakundeek argitu dute aste honetan gidari bat gaixorik jarri dela eta horrek anabasa sortu duela, bereziki, Urduñatik ateratzen ziren trenetan.

Kristalak apurtuta

Edonola ere, egoera horri beste oztopo bat gehitu beharra dago. Aste honetan, bi egunez jarraian ezazagun batzuek hainbat kristal hautsi dituzte Urduña-Bilbo egiten duen azken unitatean. Horrek eragin du, aldi berean, trenak ezin erabiltzea eta konponketa gunean geratzea.

Renfeko beharginek erantsi dute, gainera, egileek selfieak egin eta zabaldu dituztela sare sozialetan, argazkian ikus daitekeen moduan. Ertzaintzak berretsi du ikerketa abiatu dutela gertakariak argitzeko, baina oraindik ez dutela inor atxilotu.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide