Tubacexeko greba mugagabea izan dute hizpide gaur arratsaldean Faktorian. Naiara Olabarrieta, Julen Cicero, Aitor Bordagarai, Urtzi Maio eta Nortxu Iturrioz igo dira oholtzara. Aiaraldea Komunikabideak elkarrizketa egin zien bostei martxoan, kaleratuen zerrendan zeudelako.
Orain aldiz, berronartuak daude bostak, 232 egun iraun duen greba mugagabeari esker. Borroka luze horretako bizipen eta irakaspenak izan dituzte hizpide. Pikete feminista, erresistentzia kutxa, kaleratzeen aurkako epaia, Ertzaintzaren eta Eusko Jaurlaritzaren jarrera eta beste hainbat gai jorratu dituzte ordu eta erdi luzatu den solasaldian.
Bostek nabarmendu dute Tubacexen lortutakoa langileen garaipen bat izan dela, eta grebak merezi izan duela ziurtatu dute. Ildo berean, borrokan jarraitzeko deia luzatu dute, Tubacexen barruan zein eskualdeko gainontzeko langileen alde.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide