Tubacexeko grebalariak protagonistak, Hector de Miguel "Queque" umoregilearen irratsaio berriaren sarreran

Irratian entzuteko aukera ez ezik, Youtuben ikusgai dago saioa./ Aiaraldea.eus

Hora Veintipico umore irratsaioan egunero ikusten da Tubacexeko langile batek izandako talka Ertzaintzako Brigada Mugikorreko kide batekin, polizia piketea grabatzen ari zelarik, hain zuzen.

Cadena SER irratiko La Vida Moderna saioan Tubacexeko grebako irudiak baliatu eta gero, Hector de Miguel Queque umoregileak berriro erabili du enpresako langile batek izandako ika-mika Brigada Mugikorreko ertzain batekin.

Gertakari hori jaso zuen bideoa birala bilakatu zen, eta La Vida Modernan hainbat txantxa egin zituzten David Broncanok eta Hector de Miguelek iraila bukaeran.

Dena den, pasadizoaren ibilbidea ez da hor amaitu. La lengua moderna saioa bukatu ostean, Cadena SERek eskaini zion tarte berria de Migueli: Hora Veintipico, hain zuzen. Izenburuak erreferentzia egiten dio Hora Veinticinco saioari, eta modu umoretsuan eguneko albiste politikoak lantzen ditu.

Saioak sarrera bera erabiltzen du egunero, eta ikusgai dauden irudien artean, bakarrak mantentzen du jatorrizko soinua: Tubacexeko langilearenak.

Alabaina, bideoaren protagonistak ez zuen bere garaian aukera galdu, eta beste bideo bat ere partekatu zuen umoregilearekin sare sozialetan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide