Osakidetzak plazaratutako azken txosten epidemiologikoaren arabera, joera negatiboa da eskualdean pandemiaren zabalpenaren dagokionez. Izan ere, azken hiru egunetan 44 positibo atzeman ditu osasun sistema publikoak Aiaraldean. Laudio eta Amurrio izan dira gaixo berri gehien izan dituzten herriak, baina Urduñan, Aiaran eta Okondon ere agertu dira.
Intzidentzia metatuaren tasek okerrera egin dute berriro. Hori bai, Artziniega, Arakaldo, Arrankudiaga-Zollo eta Orozko oraindik zeroan dute kopuru adierazlea. Artziniegako, Aiarako, Laudioko, Amurrioko eta Urduñako tasak, aldiz, altuagoak dira orain eta Arakaldokoa zegoen moduan mantendu da.
Aiaraldeko joera ez da salbuespena EAEn eta Lehendakariak jadanik ezarri du osasun larrialdi egoera. Bihar batuko da LABI batzordea eta zer neurri murriztaile ezarri ebatziko du.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
