Urduñan, Laudion, Okondon zein Amurrion jarduera ugari egon ziren atzoko egunean. Goizez ikastetxeak izan ziren nagusi, eta arratsaldean herrietara zabaldu zen ospakizuna.
Abenduaren 3a da Euskararen Nazioarteko Eguna. Aiaraldean ere izan zuen eragina, makina bat ekitaldi antolatu baitziren tokian toki. Dena den, euskal hizkuntza 365 egunetan erabiltzeko mezua izan zen nagusi.
Okondon, eskolan ospatu zuten eguna. Amurrion, aldiz, kandelen bidez euskara argiztatzeko nahiari heldu zioten San Anton plazan. Laudion, berriz, antzerkia eta bertsoak izan ziren arratsaldeko osagai nagusi, baina gaurko egunean jarraituko du egitarauak. Hala ere, atzo goizean ere atera zuten kalera euskararen aldeko aldarria, irakurketa instituzionalarekin eta Arloteen emanaldiarekin. Urduñan, ostera, irakurtaldiaren ondotik, diskofesta eta ipuin kontaketari eman zioten bide.
Argazkiak: Ander Fernandez, Iratxe Murias, Izar Mendiguren, Ainhize Hernandez eta Amurrioko Euskara Zerbitzua
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide