Ostegunetik igandera bitartean koronabirusaren 157 positibo berri atzeman dituzte Aiaraldean, 74 Laudion

Aitor Aspuru Saez 2021eko abenduaren 20a
Deskargatu Info Ahotsak :

Laudioko anbulatorioan jende ugari ari da PCR testak egiten. / Aiaraldea.eus

Pandemia osoko daturik txarrenetan dago eskualdea eta udalerri gehienek goranzko joeran jarraitzen dute intzidentzia metatuaren tasari dagokionez.

Osakidetzak gaur eguerdian argitaratu du ostegunetik igandera bitarteko txosten epidemiologikoa eta emaitzak ez dira itxaropentsuak. Kutsatze kasuek ez dute atzera egin eta gero eta gaixo gehiago daude. Azken lau egunetan birusa nabarmen zabaldu da eta soilik Arakaldon ez da agertu kasu berririk. Gauzak horrela, osasun sistema publikoak hurrengo positibo berriak zenbatu ditu:

  • Amurrio: 44
  • Artziniega: 7
  • Aiara: 1
  • Laudio: 74
  • Okondo: 8
  • Arrankudiaga-Zollo: 6
  • Orozko: 9
  • Urduña: 8

Intzidentzia metatuaren tasaren esparruan, oro har, inoiz baino okerrago dago Aiaraldea. Hainbat udalerrik lau digitutan dituzte euren kopuruak eta gehienek (Amurriok, Laudiok, Okondok, Arrankudiaga-Zollok eta Orozkok) gora egin dute. Artziniegak eta Arakaldok eutsi diete osteguneko datuei eta Aiarak eta Urduñak murriztu dituzte. Udalerri guztiek jarraitzen dute eremu gorrian.

EAEn egoera bera islatzen da, 324 ospitaleratu baitaude eta zaintza intentsiboko unitatean, aldiz, 105 herritar.

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide