Eusko Jaurlaritzako Osasun Sailak koronabirusaren eboluzioa jasotzen duen txosten epidemiologikoaren eguneraketa berria plazaratu du. Bertan jaso dituzte urtarrilaren 6tik urtarrilaren 9ra bitarte Aiaraldean antzemandako COVID-19 kutsatze berriak.
Gaixotasunak marka guztiak hausten jarraitzen du, azken lau egunetan 522 kasu berri detektatu dituzte. Berriro ere Laudio izan da herririk kaltetuena; 198 kasu zenbatu dituzte bertan.
Hau da kasuen banaketa udalerrika eta egunka:
- Amurrio: 154 kasu guztira (26 ostegunean, 58 ostiralean, 34 larunbatean eta 36 igandean)
- Artziniega: 20 kasu guztira (1 ostegunean, 6 ostiralean, 6 larunbatean eta 7 igandean)
- Aiara: 33 kasu guztira (4 ostegunean, 11 ostiralean, 9 larunbatean eta 9 igandean)
- Laudio: 198 kasu guztira (28 ostegunean, 71 ostiralean, 47 larunbatean eta 52 igandean)
- Okondo: 13 kasu guztira (3 ostegunean, 5 ostiralean, 4 larunbatean eta 1 igandean)
- Arakaldo: 4 kasu guztira (2 ostiralean eta 2 igandean)
- Arrankudiaga-Zollo: 19 kasu guztira (1 ostegunean, 5 ostiralean, 8 larunbatean eta 5 igandean)
- Orozko: 22 kasu guztira (2 ostegunean, 13 ostiralean, 4 larunbatean eta 3 igandean)
- Urduña: 59 kasu guztira (19 ostegunean, 21 ostiralean, 6 larunbatean eta 3 igandean)
Intzidentzia metatuaren tasak ere gora egiten jarraitzen du etenik gabe:
Kasu larriak soilik
Gotzone Sagardui Osasun Sailburuak agerraldia eskaini du gaur pandemiaren eboluzioaren berri emateko. Adierazi duenez aurrerantzean pertsona zaurgarri edota sintoma larriak ditzuten kasu positiboak erregistratuko dituzte soilik. Farmaziako antigeno test batean positibo ematen duen gaixoak aurreko bi baldintzetako bat betetzen ez badu etxean isolatu beharko da, baina ez du positiboaren berririk eman beharko, baldin eta baja kudeatzeko Osakidetzaren berrespena behar ez badu.