Osakidetzak argitaratzen duen txosten epidemiologikoaren azken eguneraketak COVID-19 birusaren 379 positiboren berri eman du. Nabarmentzekoa da aurreko bi asteetan osatutako txostenekin alderatuta, ia erdira murriztu direla kutsatu berriak. Edonola ere, gogoratu eta azpimarratu beharra dago Eusko Jaurlaritzak irizpideak aldatu zituela pasa den astean eta jadanik ez dituela agiaztatzen herritarrek eurek egindako antigeno test positibo guztiak. Zehazki, prozedura hori soilik jarraitzen da kasu larrietan, arrisku talde batean dauden herritarrekin (txertatu gabeak, haurdunak, defentsa sistemarik gabekoak edo 70 urtetik gorakoak) edo baja medikua beharrezkoa denean.
Gauzak horrela, kasuak horrela banatu dira:
- Amurrio: 107 (ostegunean 37, ostiralean 37, larunbatean 13 eta igandean 20)
- Artziniega: 11 (ostegunean 5, ostiralean 4 eta igandean 2)
- Aiara: 23 (ostegunean 11, ostiralean 8, larunbatean 2 eta igandean 2)
- Laudio: 150 (ostegunean 46, ostiralean 58, larunbatean 27 eta igandean 19)
- Okondo: 7 (ostegunean 2, ostiralean 1, larunbatean 2 eta igandean 2)
- Arrankudiaga-Zollo: 7 (ostegunean 4, ostiralean 3)
- Orozko: 39 (ostegunean 32, ostiralean 4, larunbatean 1 eta igandean 2)
- Urduña: 35 (ostegunean 8, ostiralean 10, larunbatean 8 eta igandean 9)
Intzidentzia metatuaren tasari dagokionez, zenbaketa eredu berriaren ondorioz, herri guztietan murriztu dira ratioak. Herrialde guztietan jaitsiera aipagarria izan da, baina bereziki deigarria izan da Artziniegako kasua, tasa ia %25ean txikitu baita.