COVID-19aren pandemiak zifra altuak utzi ditu Aiaraldean beste behin ere. Osakidetzak 404 kasu berri erregistratu ditu eskualdean astelehenetik asteazkenera bitartean, gaur eguerdian plazaratutako txosten epidemiologikoan zehazten denez.
Hala ere, kontuan hartu behar da osasun sistema publikoak orain persona zehatzei soilik egiten diela PCR proba: baja medikua behar dutenei, sintoma larriak pairatzen dituztenei edota arrisku taldeetan daudenei. Hau da, ez dira kontatzen testak euren kabuz egin dituzten herritarrak.
Hau da kasuen banaketa udalerrika:
- Amurrio: 105 kasu guztira (34 astelehenean, 30 asteartean eta 41 asteazkenean).
- Artziniega: 28 kasu guztira (6 astelehenean, 8 asteartean eta 14 asteazkenean).
- Aiara: 44 kasu guztira (12 astelehenean, 11 asteartean eta 21 asteazkenean).
- Laudio: 161 kasu guztira (51 astelehenean, 40 asteartean eta 70 asteazkenean).
- Okondo: 9 kasu guztira (2 astelehenean, 5 asteartean eta 2 asteazkenean).
- Arrankudiaga-Zollo: 8 kasu guztira (4 astelehenean, 1 asteartean eta 3 asteazkenean).
- Urduña: 40 kasu guztira (15 astelehenean, 14 asteartean eta 11 asteazkenean).
- Orozko: 9 kasu (Hiruna egun bakoitzeko).
- Arakaldo: Ez da kasurik egon.
EAEn 34.887 positibo egon dira guztira azken hiru egunetan. 649 pertsona daude ospitaleratuta eta 103 Zaintza Intentsiboetarako Unitateetan.
Intzidentzia metatuaren tasak behera
Hala ere, intzidentzia metatuaren tasek behera egiten jarraitzen dute apurka apurka. Udalerri guztietako ratioak jaitsi dira, Artziniegakoa salbu. Arakaldo da jaitsiera ikusgarriena izan duena, 0an kokatu baita.
Labiren bilera, bihar
Bihar bilduko da Labi orain arte indarrean egon diren neurriak mantendu edo ez ebazteko. Hala ere, Iñigo Urkullu lehendakariak neurriei eusteko gomendioa egin du gaur, eta Batzorde Zientifikoak ere ondorio bera helaraziko dio Labiri.